Paga mesatare mujore bruto në Shqipëri ka shënuar një rritje të ndjeshme gjatë tremujorit të dytë të vitit 2025, duke arritur në 83.906 lekë të reja.
Të dhënat e publikuara nga INSTAT tregojnë një rritje prej 11,7% krahasuar me të njëjtën periudhë të një viti më parë.
Profesionet me pagë mesatare më të lartë se mesatarja kombëtare, ishin:
– Menaxherë, Ligjvënës, Drejtorë Ekzekutivë
– Specialistë me arsim të lartë (profesionistë)
Sipas INSTAT, sektorë më të paguar janë punonjësit e bankave, punonjës IT, shoqëri sigurimi, administrata të cilët kanë pagë mesatare deri në 3.5 herë më të lartë se të punësuarit në bujqësi, ndërtim dhe shërbime të tjera!